Рускиот претседател Владимир Путин денеска изјави дека непријател на Русија не е украинскиот народ, „туку нацистите и нивните следбеници“.

„За да нема недоразбирање со кого се бориме, за да биде јасно кои цели ги следиме и кој е нашиот противник – тоа не е украинскиот народ, туку овие нелуѓе, нацистите и нивните следбеници“, рече Путин за време на состанок на рускиот организациски комитет „Победа, пренесува РИА Новости.

Русофобијата и неонацизмот станаа норма во Украина и на Балтикот, а историјата се користи како оружје во идеолошката борба, рече Путин.

„Предизвиците на времето јасно покажуваат дека нацизмот беше поразен во 1945 година, но, за жал, тој повторно се манифестира во истата русофобија или антисемитизам. А глорификацијата на нацистичките криминалци, директната пропаганда на нацизмот во балтичките земји, како и во Украина воопшто, станаа норма, како Нирнберг никогаш да не постоел“, истакна Путин.

Според него, Западот го назначил „етнички Евреин, Володимир Зеленски, на чело на Украина, прикривајќи го глорификацијата на нацизмот и оние кои го водеа холокаустот во Украина“.

Тој истакна дека нацистите убиле 1,5 милиони Евреи во Украина за време на Втората светска војна.