Тајфунот Хаикуи утрово ја погоди Кина придружен со обилни дождови и силен ветер и предизвика значителни нарушувања на југот на земјата, објавија кинеските државни медиуми.
Во близина на градот Фужоу, противпожарно возило со осум лица паднало во река, јави кинеската државна телевизија. Три лица се спасени, пет се водат за исчезнати, а акцијата за спасување продолжува.
Јужните кинески провинции Фуџијан и Гуангдонг беа погодени од Хаикуи, единаесеттото именувано невреме годинава, објави државната новинска агенција Ксинхуа, цитирајќи ги локалните власти.
Tajwan: Tajfun Haikui dociera na ląd na północ od Taitung. pic.twitter.com/pY08JKXqiF
— PolskiQutsider (@polskiqoutsider) September 3, 2023
Училиштата и градинките останаа затворени во некои области како мерка на претпазливост. Метеоролозите во Гуангдонг очекуваа дека тајфунот ќе се движи позападно над копното и ќе ослабне, објави Ксинхуа.
Më shumë se 40 persona u plagosën në Tajvan pasi tajfuni Haikui goditi ishullin, duke shkulur pemët dhe duke detyruar mijëra të evakuohen. Stuhia ishte e para që goditi drejtpërdrejt ishullin në katër vjet. pic.twitter.com/XQkZL2Lkid
— abcnewsal (@abcnewsal) September 4, 2023
Пред да удри во Кина, Хаикуи помина низ Тајван. Повеќе од 100 луѓе се повредени, а околу 260.000 домаќинства останаа без струја, соопшти тајванскиот центар за итни операции.
Кога невремето го премина Тајван во неделата и понеделникот, околу 8.000 жители беа принудени да ги напуштат своите домови, а 2.000 беа сместени во јавни засолништа за да се заштитат од силните ветрови и обилните врнежи.
