„Комуналец“ Неготино обезбеди машина за собирање на лисја, лисјата ќе се употребуваат за производство на хумус за цвеќињата и дрвјата на јавните површини во општината. За ова попладнево информираа од неготинското комунално претпријатие.

– Ова е нешто ново за нас. Набавивме вакуум смукалка за собирање на лисја. Со тоа од една страна ќе бидеме побрзи и поефикасни во работата, а од друга страна, собраните лисја ќе ги употребуваме за производство на хумус, со што ќе ги прихрануваме и наѓубруваме цвеќињата и дрвјата во градските паркови и зелените површини, појаснија од неготински „Комуналец“.

Оттаму нагласија дека претпријатието континуирано работи на подобрување на комуналните услуги, како во урбаните, така и во руралните средини.