– Министерството за внатрешни работи ја информира јавноста дека утре во периодот од 12:00 до 14:30 часот, поради одржување на синдикален протест, ќе биде спроведен посебен сообраќаен режим на подрачјето на Град Скопје.

Протестот ќе се одвива со траса на движење од Жена-парк на улица „11 Октомври“, преку улица „Димитрие Чуповски“, булевар „Св. Климент Охридски“ и улица „Св. Кирил и Методиј“, па сѐ до зградата на Министерство за образование и наука.

Од МВР посочуваат дека Единицата за безбедност на патниот сообраќај ќе преземе мерки за посебен режим на сообраќајот по горенаведените сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива протестот.