Изложба на ликовни творби на деца од ОУРЦ „Д-р Златан Сремец“ и ОУРЦ „Иднина“, изработени во соработка со ученици од СУГГС „Здравко Цветковски“ во Скопје, денеска ќе биде отворена во Музејот на современата уметност во Скопје.

– Делата беа изработени во рамките на работилниците насловени како „Инклузивни креативни простори“ во ЕУ-проектот „Зајакнување на социјалната инклузија преку уметничкото образование: развиток на поддршката на ученици со попреченост – ИНАРТдис“, чиј координатор е Автономниот универзитет на Барселона, Шпанија, а во кој Здружение за унапредување на образованието, културата и спортот – Образование за сите, учествува како партнер, известуваат организаторите на изложбата.

Проектот почна на 1 декември 2020 година и ќе трае до 30 ноември 2023 година.