Гвинет Палтроу им приреди големо изненадување на своите следбеници на TikTok; сè што треба да направите е да го изгледате нејзиното видео до крај.
Актерката Гвинет Палтроу е вистински мајстор за привлекување внимание, без разлика дали чекори по црвениот тепих или не. Во видеото што го објави на TikTok, 53-годишната актерка ја прекина низата есенски комбинации во стилот на „тивок луксуз“ со тоа што едноставно се појави без горниот дел од облеката.
Видеата во кои открива повеќе кожа не се новитет за неа; таа и претходно ги воодушеви обожавателите со слично видео.
„Сезона на џемпери“ – напиша таа во описот на видеото, во кое прикажа неколку удобни, слоевити модни комбинации од својот дом во Монтесито, Калифорнија.
Во видеото Палтроу носеше дебел џемпер со висока јака во крем боја и со ракави засукани до лактите, додека земаше нешто од фрижидерот. Го искомбинира со тесни бели фармерки со висок струк. Како што одминуваше видеото, Палтроу го откопча темносиниот џемпер, откривајќи дел од белата маичка што ја носеше под него.
Sweater weather
Потоа почна да ги менува горните делови, задржувајќи ги истите фармерки: црна тесна ролка, темносив џемпер со патент, длабоко деколте и машна околу вратот, како и блуза во смарагдно зелена боја со набрани ракави и длабоко деколте.
Сепак, во сосема неочекуван пресврт, Гвинет ја заврши својата есенска модна ревија без горниот дел од облеката.
Ги покри голите гради со црна лента додека јадеше јаболко и ноншалантно позираше во кујната. За многу кратко време, видеото собра голем број реакции, главно позитивни.
