ВМРО-ДПМНЕ ја обвини СДСМ дека шири лаги и манипулации за состојбата со водоснабдувањето во Велес, тврдејќи дека партијата објавила стар извештај кој не се однесува на градскиот водовод.

Од ВМРО-ДПМНЕ наведуваат дека извештајот што го објавила опозициската партија е од февруари 2025 година и се однесува на село Сливник во Општина Велес, кое не е поврзано со градскиот водовод.

Од владејачката партија оценуваат дека со ваквите, како што велат, информации СДСМ создава паника и вознемиреност кај граѓаните со цел да оствари политички поени.

Во соопштението ВМРО-ДПМНЕ наведува и дека намерното ширење паника и хистерија може да биде основ за кривична одговорност, обвинувајќи ја СДСМ дека поради, како што тврдат, падот на рејтингот, прибегнува кон манипулации.