Италијанската премиерка, Џорџа Мелони, смета дека Европската Унија треба да назначи еден претставник кој ќе преговара со Русија за завршување на војната во Украина.

Говорејќи пред италијанскиот парламент, Мелони порача дека ниту една помала група европски држави нема легитимитет да зборува во име на целата ЕУ.

„Потребна е авторитетна личност на која сите земји-членки ќе ѝ дадат доверба и мандат да ја претставува Европа“, изјави таа.

Мелони нагласи дека напорите за постигнување мир во Украина бараат и посилна координација меѓу Европа и САД.

Осврнувајќи се на Иран, таа рече дека ЕУ треба да биде подготвена да ги ублажи санкциите доколку Техеран покаже подготвеност за преговори, но и да воведе дополнителен притисок ако продолжи со активности што ја загрозуваат регионалната безбедност.