Американскиот претседател Доналд Трамп објави мапа на Венецуела на својот профил на социјалните мрежи Truth Social, со краток натпис: „51-та држава“.

Објавата доаѓа во време кога Трамп наводно сериозно размислува за припојување на Венецуела кон САД. Планот на Трамп вклучува преземање целосна контрола врз нафтената индустрија во земјата по отстранувањето од власт на долгогодишниот претседател Николас Мадуро.

Во неодамнешно телефонско интервју за „Фокс њуз“, Трамп истакна дека Венецуела има резерви на нафта проценети на 40 билиони долари.

„Венецуела го сака Трамп“, тврдеше претседателот, додавајќи дека ужива силна поддршка од луѓето таму.