Уставниот суд денеска ќе ја одржи 18. седница на која треба да расправа за неколку иницијативи за оценување на уставноста и барања за заштита на слободите и правата.

Меѓу другото треба да расправа за иницијативата на Светскиот македонски конгрес за оспорување на член 110 од Законот за Јавното обвинителство, а во врска со постапувањето во однос на незаконски прислушуваните материјали и незаконското следење на комуникациите, како и за иницијативата на Државната комисија за спречување на корупција за оспорување на Законот за трансформација во редовен работен однос.

Пред уставните судии на денешната седница се и иницијативите за оспорување на Законот за изменување и дополнување на Законот за здруженија и фондации и за осопрување на адвокатската тарифа за наплата на трошоци.