Портпаролката на руското Министерство за надворешни работи Марија Захарова оцени дека е неприфатливо генералниот директор на Меѓународната агенција за атомска енергија (МААЕ) Рафаел Гроси доброволно или неволно да молчи за одредени аспекти на проблемот со муницијата со осиромашен ураниум.

Таа го привлече вниманието на изјавата на Гроси дека употребата на муниција со осиромашен ураниум не води до значителни радиолошки последици.

„Гроси, секако, е во право кога вели дека нема значајни радиолошки последици од гледна точка на нуклеарната безбедност. Очигледно е и дека не ја кажува целата приказна. Тој молчи за проблемот, доброволно или неволно, што е неприфатливо“, објави Захарова на нејзиниот канал Телеграм, пренесува ТАСС.