Група високи воени офицери во Габон утринава на националната телевизија објавија дека армијата ја презела власта, откако изборното тело на земјата објави дека претседателот Али Бонго освоил трет мандат.

Полицајците рекоа дека зборуваат во име на сите безбедносни и одбранбени сили во централноафриканската земја, пренесува Ројтерс. Најавија дека резултатите од изборите се поништени, сите граници се затворени до дополнително известување и распуштени државните институции.

Во главниот град Либревил можеше да се слушнат силни пукотници, изјави репортерot на Ројтерс по телевизиското обраќање.

„Во име на народот на Габон, решивме да го браниме мирот со ставање крај на сегашниот режим“, рекоа офицерите.

Во земјата е воведен полициски час, а блокиран е и интернет пристапот. Изборната комисија соопшти дека Бонго освоил нешто помалку од две третини од гласовите на изборите, за кои опозицијата тврдеше дека биле лажни.

Неговото соборување ќе го означи крајот на 53-годишното владеење на неговото семејство, пренесува медиумот.