Принцот од Велс, Вилијам, и војводата од Сасекс, Хари, ќе присуствуваат на почитта на нивната покојна мајка Дијана, но не во ист период.

Принцот Вилијам вечерва ќе присуствува на доделувањето на наградите во Научниот музеј во Лондон, каде што ќе одржи краток говор и ќе ги додели наградите на 20 добитници, а Хари ќе им се обрати на добитниците на награди преку видеоповик, но дури откако Вилијам ќе ја напушти церемонијата, пишува „Тајмс“.

Според медиумот, нивното одбивање да се појават заедно на церемонијата зборува за нивниот раскол.

Наградите за Дијана се одржуваат секоја втора година, а 20 награди за достигнувања се доделуваат на извонредни млади лидери, кои ја инспирираат следната генерација да ги следи стапките на Дијана, принцезата од Велс, и да направи позитивна разлика во светот, велат организаторите.

Вилијам и Хари и претходно присуствуваа на наградите заедно, но откако Хари ги напушти кралските обврски за да почне нов живот во Америка и објави книга во која го критикува кралското семејство, тие не се појавија заедно, пренесува „Танјуг“.