Претседателот на Србија, Александар Вучиќ, објави дека го завршува својот втор претседателски мандат и по тој повод приредил коктел за вработените во неговиот кабинет.
„Ви благодарам што истрајавте и во моментите кога се случуваа работи кои не ви се допаѓаа. Несомнено сум грешел, како што тоа го прави секој нормален човек секој ден. И бескрајно ви благодарам за сè. Десет години живот не се мал период“, им порачал Вучиќ на вработените, објавувајќи снимки од средбата на својот профил на Инстаграм.
View this post on Instagram
Вучиќ со членовите на својот кабинет се збогувал со танц, оро и песните „А сад адио“ и „Четири години“.
View this post on Instagram
View this post on Instagram
View this post on Instagram
Тој претходно најави дека во недела навечер ќе поднесе оставка од функцијата претседател на Србија и дека на граѓаните ќе им ја образложи својата одлука. Вучиќ во четвртокот во Њујорк изјави дека оставката ќе ја поднесе околу 20 часот.
Со поднесувањето на оставката, мандатот на Вучиќ престанува. Според Уставот и Законот за претседател на Србија, претседателот на Собранието го заменува шефот на државата до изборот на нов претседател, но најмногу три месеци. Изборите за претседател мора да се одржат најдоцна во рок од три месеци од престанокот на мандатот.
Во случајов, функцијата вршител на должноста претседател ќе ја преземе претседателката на распуштеното собрание, Ана Брнабиќ.
