Првиот голем шумски пожар во Шпанија оваа година уништи површина од околу 600 хектари за само 24 часа на истокот од земјата, соопштија властите. Околу 180 луѓе се евакуирани во погодената планинска област околу Тарбена во провинцијата Аликанте, на околу 90 километри јужно од Валенсија, јави денеска телевизијата РТВЕ, повикувајќи се на властите.
Пожарот, кој избувна вчера на помалку од 15 километри од Средоземното Море, брзо се шири, се вели во соопштението. Пилар Бернабе, претставник на централната влада на Мадрид во автономната заедница Валенсија, изјави за новинарите дека се сомнева дека причината за пожарот е практиката „сечи и запали“. Од попладнево површината на уништената површина е поголема од 800 фудбалски игралишта.
An uncontrolled forest fire in Tàrbena of Alicante province, Spain 🇪🇸 (14.04.2024)
TELEGRAM JOIN 👉 https://t.co/9cTkji5aZq pic.twitter.com/CiKrxTl74L
— Disaster News (@Top_Disaster) April 14, 2024
Петнаесет противпожарни единици и 10 единици за заштита на шумите беа распоредени во понеделникот за гаснење на пламените јазици, со помош на осум хеликоптери и противпожарни авиони, соопштија службите за итни случаи во Валенсија. Силните ветрови и температурите над 25 степени целзиусови – невообичаено топло време за средината на април – ги отежнаа напорите за гаснење на пожарите, изјави портпаролот на регионалната влада на Валенсија.
Forest fire in Tàrbena, Alicante, Spain 🇪🇸 #BREAKING_NEWS pic.twitter.com/3tBk3xlITI
— 𝕬𝖐ı𝖓𝖈ı (@soneerbozkurt) April 14, 2024
Сепак, портпаролот рече дека се оптимисти дека пожарот што беснее околу Тарбена, како и неколку помали на Коста Бланка, наскоро би можеле да бидат изгаснати. Источна Шпанија доживеа неколкудневни температури кои достигнуваат и до 30 степени, поради што плажите се полни. Од среда ширум Шпанија се очекува постудено време.
