–>

(Видео) Поплави во Шпанија, повеќе загинати лица

Видео-Поплави-во-Шпанија-повеќе-загинати-лица.jpg
Facebook
Twitter
LinkedIn
Telegram
WhatsApp
OK





Најмалку четири лица загинаа во силното невреме што ја зафати Шпанија викендов, соопштија локалните власти.

Телата на двајца мажи се пронајдени денеска во Толедо, провинција јужно од Мадрид, соопшти владата на регионот Кастилја-Ла Манча. Едната од жртвите починала во возилото, а другата е пронајдена мртва во лифтот на гаражата.

Двајца мажи, на возраст од 31 и 34 години, починаа за време на викендот во североисточна Шпанија, откако се удавија во надојдените води. Во исто време продолжува потрагата по маж кој во неделата навечер со сопругата и двете деца патувал во Мадридскиот регион. Нивното возило беше однесено од водите на реката Алберче, која се излеа од нејзините корита. Сопругата, ќерката и синот успеале да се спасат.

Шпанија за време на викендот ја погоди силно невреме, придружено со силен ветер, силен дожд, гром и град. Поради невремето, летовите беа одложени, а железничкиот сообраќај беше во прекин, поради што стотици патници останаа блокирани на железничките станици во Мадрид, Малага и други градови.

Затворени се многу патишта, улици и паркови, поплавени се бројни куќи и гаражи, оштетени се многу фасади и откорнати дрвја.

Facebook
Twitter
LinkedIn
Telegram
WhatsApp
OK