Австралиската полиција соопшти дека уапсила маж кој го попречил домашниот лет со тоа што трчал гол во авионот и соборил член на екипажот. Летот VA696 од Перт до Мелбурн синоќа бил принуден да се сврти набргу по полетувањето, пишува АП.
A man has been arrested by air marshals after allegedly running naked down the aisle of a Virgin Australia flight from Perth to Melbourne. #7NEWS
„По пристигнувањето во Перт, леталото го пречека австралиската федерална полиција и го симна патникот кој предизвикуваше проблеми“, се вели во соопштението на авиокомпанијата „Вирџин Австралија“.
Мажот првично бил хоспитализиран за евалуација, соопшти полицијата. Австралиската телевизија „Еј-би-си“ соопшти дека има сознанија дека никој не е повреден во инцидентот во авионот.
„Безбедноста на нашите патници и членови на екипажот е наш главен приоритет и искрено им се извинуваме на патниците кои беа на летот“, соопштија од „Вирџин Австралија“.
Човекот се очекува да се појави на суд на 14 јуни, иако обвиненијата со кои ќе се соочи се уште не се финализирани. Истрагата се уште е во тек.
