Жителите на Алберта денес одлучуваат дали да започнат постапка за одржување обврзувачки референдум за отцепување од Канада. Премиерот Марк Карни предупредува дека победата на сепаратистичката страна би предизвикала опасна неизвесност, особено во услови кога е во тек трговска војна со Соединетите Држави, пренесува „Еуроњуз“.
Анкетите покажуваат дека помалку од една четвртина од жителите на оваа западна канадска провинција ја поддржуваат независноста. Сепак, во пресрет на гласањето, целото внимание е насочено кон излезноста – и кон тоа дали мотивираниот сепаратистички табор, во комбинација со пасивноста на федералистите, би можел да доведе до неочекуван исход.
„Не дозволувајте никој да ви каже дека ова е веќе решено. Излезноста ќе го одреди исходот“, изјави Карни на еден собир во четвртокот.
Карни, кој израснал во Алберта, го опиша референдумот како „опасен блеф“ во време кога американскиот претседател Доналд Трамп воведува казнени царини и се заканува со анексија, во обид да ја скрши решителноста на Канада.
Canada is the greatest country on earth.
A country where you are free to be who you want to be. To speak your mind. To worship as you choose. To live your life as you wish.
That is independence. That is sovereignty. https://t.co/yjzTQUNKc1
— Mark Carney (@MarkJCarney) October 16, 2026
„Гласајте како од тоа да зависи Канада – бидејќи навистина зависи“, порача Карни.
