Кина ја повика поранешната портпаролка на Белата куќа, Кејти Закарија, почесто да ја посетува земјата откако во неодамнешно интервју тврдеше дека „тие немаат пристојни тоалети“.

Закарија беше отпуштена помалку од една недела по преземањето на функцијата, бидејќи се најде под јавен надзор. Таа го даде коментарот за кинеските тоалети за време на интервјуто со подкастерот Џек Пособиец.

„Се сеќавам многу јасно бидејќи бев во Кина и се прашував како Кина би можела да биде следната голема сила на светската сцена. Тие дури и немаат пристојни тоалети“, рече Закарија, осврнувајќи се на перцепцијата во тоа време во пресрет на претседателските избори во САД во 2016 година дека златното доба на Америка е завршено и дека Кина е во подем.

Развојниот јаз во Кина е сè уште голем
Кога беше прашана за коментарите во петокот, портпаролката на кинеското Министерство за надворешни работи, Мао Нинг, одговори со иронија: „Таа е добредојдена почесто да ја посетува Кина кога има можност“.

На кинеската платформа за социјални медиуми Weibo, популарна платформа слична на Икс, многумина ги нарекоа коментарите на Закарија „глупави“, додека други признаа дека некои кинески тоалети не ги исполнуваат соодветните стандарди пред една деценија.

Службеник на Белата куќа претходно изјави за „CNN“ дека Закарија живеела во Кина со својот сопруг. На нејзиниот профил на LinkedIn е наведено дека работела како соработник во меѓународниот тим на една од најголемите адвокатски фирми во Кина, „Zhong Lun“, во Пекинг речиси две години, почнувајќи од 2011 година.

Закарија во изјава тврдеше дека се занимавала со меѓународно трансакциско право и дека ги имала „сите соодветни квалификации“.

Сепак, според Министерството за правда на Кина, само кинеските државјани имаат право да се занимаваат со адвокатура во Кина, па затоа не е јасно какви квалификации можеби имал Захарија.

Фото: ЕПА