Претседателот на САД, Доналд Трамп, се огласи на Truth Social по шегата на Џими Кимел за Меланија Трамп, направена два дена пред пукањето на вечерата со дописниците од Белата куќа во хотелот „Хилтон“. Трамп го нарече Кимел неуспешен комичар и побара Дизни и Еј-би-си веднаш да го отпуштат.

„Џими Кимел, кој во никој случај не е смешен, што го потврдуваат неговите ужасни телевизиски рејтинзи, даде изјава во својата емисија што е навистина шокантна“, објави Трамп. „Тој прикажа лажно видео од првата дама Меланија и нашиот син Барон, како всушност да седат во неговото студио слушајќи го како зборува, што не се и никогаш не би се случило“, додаде тој.

Потоа Трамп ја цитираше шегата на Кимел за Меланија. „Потоа рече: ‘Нашата прва дама Меланија е тука. Погледнете ја Меланија, таа е толку убава. Госпоѓо Трамп, имате сјај на идна вдовица’“.

Еден ден подоцна, рече Трамп, лудак се обиде да влезе на вечерата на дописниците од Белата куќа, вооружен со пушка, пиштол и многу ножеви. Тој додаде дека напаѓачот бил таму „од многу очигледна и злокобна причина“.

Кимел направи пародија од вечерата на дописниците од Белата куќа во емисијата и прикажа лажно видео од првата дама Меланија Трамп и нивниот син Барон, како да седат во студиото и го слушаат неговиот монолог.

Меланија Трамп претходно го критикуваше Кимел за истата шега, нарекувајќи ги неговите изјави „омразни и насилни“. Таа го повика Еј-би-си да одговори на она што го нарече негово „неприфатливо однесување“.

фото/Depositphotos