Илијана Јотова победи во вториот круг од претседателските избори во Бугарија, со што стана првата жена која застанала на оваа функција во таа земја.
По обработени 99,95 проценти од гласачките ливчиња, Јотова освои 57,58 отсто од гласовите, односно околу 1,1 милион, додека нејзиниот противкандидат Андреј Ѓуров, поддржан од прозападната опозиција, доби 39,47 отсто.
Претседателката Гордана Сиљановска-Давкова и’ ја честита победата.
„Во име на македонските граѓани и во свое лично име, срдечно им ја честитам изборната победа на претседателката Илијана Јотова и потпретседателот Кирил Валчев. Успехот на претседателката Јотова ја одразува волјата на бугарскиот народ. Уверена сум дека под нејзиното претседателство Бугарија ќе има конструктивна улога во нашиот регион и во Европа.
Со нетрпение очекувам да соработуваме во духот на меѓусебна почит, отворен дијалог и вистинско партнерство. Со добра волја можеме да ги надминеме постојните предизвици, да ги зајакнеме македонско-бугарските односи и да придонесеме за мир, стабилност и просперитет“, порача Давкова во честитката на социјалните мрежи.
On behalf of the Macedonian citizens and in my own name, I cordially congratulate President Iliana Iotova and Vice President Kiril Valchev on their election victory.
The President Iotova’s success reflects the will of the Bulgarian people. I am confident that, under her presidency, Bulgaria will play a constructive role in our region and Europe.
I look forward to working together in mutual respect, open dialogue and genuine partnership. In good faith we can overcome existing challenges, strengthen Macedonian-Bulgarian relations, and advance peace, stability and prosperity.
— Гордана Сиљановска Давкова (Gordana Siljanovska) (@gogamkd) November 1, 2026
