Американскиот државен секретар Марко Рубио ќе се сретне со рускиот министер за надворешни работи Сергеј Лавров во Њујорк на 23 септември. Средбата ќе се одржи на маргините на Генералното собрание на Обединетите нации, соопшти Стејт департментот.

Средбата е дел од дипломатските напори на Вашингтон во врска со војната на Русија против Украина, пренесува „Киев индепендент“. Еден ден претходно, на 22 септември, американскиот претседател Доналд Трамп разговараше со украинскиот претседател Володимир Зеленски во седиштето на ОН.

По средбата со Трамп, Зеленски изјави дека Украина е подготвена за енергетско примирје, под услов Русија да се согласи на истите услови. Двајцата претседатели разговараа и за поддршката за Украина во текот на зимата, за противвоздушната одбрана и за идните мировни преговори.