Најмалку 15 лица загинаа во пожар во Истанбул, а според официјалните информации уште 13 лица се повредени, од кои седум потешко.
Инцидентот се случил околу 13:00 часот на улицата Илдиз Поста, округот Есентепе.
Според информациите на турските медиуми, пожарот избувнал во ноќен клуб во приземјето на станбена зграда од 16 ката.
İstanbul Gayrettepe’de 16 katlı bir binada restorasyon sırasında #yangın çıkmış ne yazık ki şu ana kadar 15 vatandaşımız hayatını kaybetti rahmet diliyorum yaralı vatandaşlarımıza acil şifalar 🙏çok üzgünüm .😔 pic.twitter.com/M1WByrgBEX
— 🌼🍃🕊 ÇERKES KIZI 🌼🍃🕊 (@Circass92297171) April 2, 2024
На местото на настанот се испратени голем број полицајци, пожарникари и медицински екипи. Според „Хуриет“, до бината во дискотеката дошло до експлозија.
Ноќниот клуб беше затворен за време на Рамазан и се реновираше во моментот на пожарот.
Firefighters intervened with 31 vehicles and 86 personnel in the fire.#turkey #İstanbul #fire pic.twitter.com/19Jacxl1rR
— Yasir Ehmed (@YaEhmmed) April 2, 2024
„Изразувам сочувство до сите. Работата за идентификација продолжува. Причината за пожарот не е позната. Станува збор за простор кој се користи како дискотека под зградата. Се реновирал во моментот на пожарот. Наши полициски, здравствени и противпожарни екипи беа на лице место од првиот момент. Овој ноќен клуб има лиценца која е добиена во 1987 година, а потоа обновена во 2018 година“, изјави гувернерот Давут Ѓул.
Луѓето останаа заробени во зградата бидејќи пожарот и густиот чад брзо се проширија низ ноќниот клуб и станбената зграда.
