Поранешниот унгарски премиер Виктор Орбан остро ја критикуваше истрагата против неговиот брат, Арон Орбан, кој е осомничен за трговија со луѓе. Тој ја обвини владата на премиерот Петер Маѓар за политички прогон и за обид да го одвлече вниманието на јавноста од минатонеделното објавување на архивите на тајната полиција од комунистичката ера.

„Целта на оваа валкана игра е да се елиминираат политичките противници и да се воспостави еднопартиски систем. Јас сум целта, а мојот брат е само пион“, напиша Виктор Орбан на Facebook во понеделникот.

„Денес, владата треба да даде одговори пред Комисијата за национална безбедност за тоа како постапува со архивите на тајната полиција од комунистичката ера. Сепак, наместо да се соочи со надзор, таа користи политички прогон за да го одвлече вниманието. Она што се случува во Унгарија нема врска со повикување некого на одговорност. Тоа е политички лов на вештерки“, напиша тој и на социјалната мрежа X.

Today, the government should be held to account before the National Security Committee over its handling of the communist-era secret police archives. However, instead of facing scrutiny, it is using political persecution to divert attention. What is happening in Hungary is not accountability. It is a political witch hunt. Whenever the government finds itself in an embarrassing situation, it resorts to the tactics of the communist-era secret police. The aim of this dirty political game is to eliminate opponents and establish a one-party state. I am the real target. My younger brother is simply being used to get to me.

— Orbán Viktor (@PM_ViktorOrban) November 9, 2026

Унгарските власти денес потврдија дека е во тек полициска операција, но не го наведоа експлицитно името на Арон Орбан.

„Во тек се апсења и претреси на домови на неколку локации во Будимпешта и во округот Пешта, во врска со случај на трговија со луѓе“, соопштија властите.

Премиерот Петер Маѓар се осврна на извештаите во унгарските медиуми дека Арон Орбан, сопственик на продавницата за огнено оружје „Multi Shot“, е приведен.

„Според медиумските извештаи, братот на Виктор Орбан, Арон Орбан, е приведен под сомнение за трговија со луѓе. Националната канцеларија за повраток и заштита на имот (NVVH) и Националното биро за истраги продолжуваат со истрагата“, изјави Маѓар.

Во таа истрага, Арон Орбан и неговите соработници се осомничени за незаконско присвојување средства, искористување политички врски и можно фалсификување документи со цел да се олесни издавањето унгарски визи за странски државјани.