Поранепниот американски претседател Џо Бајден остро го критикуваше сегашниот претседател Доналд Трамп во своите претстојни мемоари. Бајден напиша дека постапките на Трамп за време на нападот врз Капитол на 6 јануари 2021 година „треба да го следат до гробот“.
Извадокот од книгата, објавен денес од „The Atlantic“, содржи некои од најдиректните критики на Бајден кон Трамп откако ја напушти функцијата. Во текстот, Бајден вели дека Трамп „предводел бунт“ и ја осудува неговата одлука да им даде масовни помилувања на оние вклучени во немирите на 6 јануари, пренесувааат медиумите.
„Криминалците што ги нападнаа полицајците тој ден не заслужуваа помилувања“, напиша Бајден. „Тие заслужуваа затворски казни“. Поранешниот претседател додаде дека Трамп и неговите поддржувачи „продолжуваат да се фалат и да се преправаат дека ја поддржуваат полицијата“.
„Мојот став е овој: Не можете да затворате очи пред фактот дека полицајците биле удирани, пукани, прскани и брутално нападнати додека се нарекувате пријател на законот“, се вели во мемоарите. „Она што го направи Трамп на 6 јануари 2021 година, никогаш не треба да се заборави. Треба да го следи до неговиот гроб.“, пренесуваат медиумите.
„NBC News“ побарал коментар од Белата куќа за објавениот извадок. Мемоарите на Бајден, „Вети ми, Америка“, треба да бидат објавени на 17 ноември.
Бајден, исто така, го опиша во книгата својот состанок со Трамп по изборите во 2024 година, кој се одржа како дел од традиционалното предавање на власта. Тој рече дека тонот на Трамп „се граничи со ласкање“ и го цитираше како вели: „Да не беше политиката, верувам дека ќе бевме добри пријатели“.
Поранешниот претседател вели дека забелешката „го изненадила премногу за да одговори“. „Тој рече дека мојот рекорд во создавањето работни места е „извонреден““, напиша Бајден. „Тој додаде дека му олеснало што не мора да се натпреварува со мене.
Навистина не разбирав зошто толку ласкаше, па ги прекинав неговите комплименти и да се фатиме за работа.“ За време на состанокот, кој траеше околу два часа, Бајден имал намера да му даде на Трамп преглед на глобалните прашања за кои верувал дека ќе „го одбележат неговото претседателствување“.
Трамп, според Бајден, „климнал со одобрување“, но поранешниот претседател забележал чуден образец. „Тој се фокусирал на личностите на лидерите, како да разменуваме озборувања за луѓето на вечера, наместо да разговараме за прашања од глобално значење“.
Во септемвриското интервју за списанието „Тајм“, Трамп потврди дека размислува за помилување на членови на неговата администрација пред крајот на неговиот мандат. Тој посочи на претходната одлука на Бајден да даде превентивни помилувања.
Бајден им ги доделил помилувањата на својот син Хантер Бајден, други членови на семејството, членови на комисијата на Претставничкиот дом на 6 јануари, д-р Ентони Фаучи и поранешниот претседател на Здружениот штаб на вооружените сили, Марк Мили.
Бајден во неделата објави дека нема да може да учествува во промоцијата на книгата до степен до кој се надевал, наведувајќи ја својата борба со ракот. „Некои денови се подобри од други“, напиша Бајден на платформата на социјалните медиуми Икс. „Тоа не ме запира, но понекогаш ме забавува.“
