„Русија мора да биде уште посилна, поцврста и поефикасна“, порача претседателот Владимир Путин од неговиот изборен штаб во Москва, по историската победа.

– Има услови за понатамошен развој за да ја направиме Русија посилна, посилна и поефикасна. Малиот број приговори за изборниот штаб на претседателските избори говори за квалитетот на работата – додаде Путин.

По обработката на 60,1 отсто од изборните материјали, Владимир Путин освоил 87,26 отсто од гласовите, објави ЦИК.

– Колку и да се обидуваат да не исплашат, да ја потиснат нашата волја, нашата совест, никој во историјата не успеал. Не успеаја сега, па ќе пропаднат во иднина. Ние сме едно, обединето семејство – изјави тој.

Претседателот им се заблагодари и на гласачите за гласањето и рече дека „Русите им веруваат на изборните резултати“.

Првите прелиминарни резултати покажуваат дека 87,8 отсто од луѓето гласале за Владимир Путин, откако гласањето на претседателските избори започна на 15 март, а заврши денеска.