14-годишно момче вчера заврши во притвор откако наводно ги убил своите родители и се обидело да ја убие својата 11-годишна сестра во нивниот дом во округот Фресно, Калифорнија, соопштија властите. Полицајците пристигнале на локацијата во средата вечерта, откако добиле пријава за кражба и напад, рече шерифот Џон Занони на прес-конференција.

Ги пронашле мртвите родители и повреденото 11-годишно девојче. Седумгодишно момче кое веројатно е брат на убиецот било неповредено, а моментално го чуваат неговите роднини. 14-годишното момче тврдеше дека некој провалил и ги нападнал членовите на семејството пред да побегне со пикап, но детективите откриле недоследности во неговата приказна и тој на крајот бил приведен.

„Тој измисли приказна за кражба“, рече Занони. Тој додаде дека 14-годишниот осомничен се здобил со неколку гребаници, но нема индиции дека повредите сам си ги нанел. Идентитетот на осомничениот не е соопштен бидејќи е малолетник. Родителите се идентификувани како таткото Лу Јанг и мајката Се Ванг, двајцата на 37 години.

Портпаролот на шерифот рече дека се уште ја утврдуваат причината и локацијата на смртта. Неговата сестра има сериозни физички повреди, но се очекува да преживее. Шерифот истакна дека властите сè уште проверуваат дали има потенцијално оружје и не е подготвен да каже точно кое оружје било користено во убиствата.

Непознат е и мотивот. 14-годишникот бил затворен во малолетнички дом обвинение за убиство и обид за убиство. „Тоа е крајно трагично“, заклучил шерифот Занони, според Ен-Би-Си Њуз.