Лидерите на земјите од Г7 одржаа состанок попладнево по синоќешниот напад на Иран врз Израел.

Лидерите рекоа дека Иран ризикува да ги ескалира воените тензии во регионот.

Во соопштението се вели: „Со своите акции, Иран дополнително зачекори кон дестабилизација на регионот и ризикува да предизвика неконтролирана регионална ескалација. Ова мора да се избегне“.

Тие бараат Иран и неговите полномошници „да престанат со своите напади“ во регионот и велат дека ќе продолжат да работат кон „итно и одржливо примирје во Газа“.

Г7 е составена од Обединетото Кралство, Канада, Франција, Германија, Италија, Јапонија и Соединетите Американски Држави, како и од Европската Унија како „непопишана членка“.