Хантер Бајден, синот на американскиот претседател Џо Бајден, е прогласен за виновен за лажење за употреба на дрога со цел нелегално да купи оружје, пренесува Sky News.

Хантер Бајден (54) беше осуден за три обвиненија поврзани со огнено оружје во првото кривично гонење.

Обвинителите рекоа дека лажел на формуларот кога купил револвер „Колт кобра“ во октомври 2018 година, наведувајќи дека не бил ниту корисник на дрога, ниту зависник и покрај проблемот со крекот, пишува „Sky news“.

Бајден се изјасни за невин по обвиненијата за кривично дело, кои вклучуваат лажење за неговата зависност кога потпишал владин документ за контрола на пиштолот и нелегално поседување пиштол 11 дена.