Хајке Хојбах следната недела ќе стане првиот глув член на германскиот парламент.

44-годишната социјалдемократка ќе го преземе местото на досегашниот пратеник на СПД Ули Греч.

Според претседателот на Германската федерација на глуви, Хелмут Фогел, влегувањето на Хојбах е значаен чекор за заедницата на знаковниот јазик во Германија.

Претседателката на Бундестагот, Бербел Бас, кажа дека влегувањето на Хојбах во парламентот е силен знак на инклузија.

„Администрацијата во Бундестагот со месеци се подготвуваше интензивно да ѝ овозможи на Хајке Хојбах да го извршува својот мандат без бариери“, кажа таа.

Во пленарната сала ќе има преведувач на знаковен јазик.