Сојузната држава Тенеси потроши повеќе од еден час обидувајќи се да ја изврши смртната казна врз затвореничката Криста Пајк со смртоносна инјекција, за на крајот службените лица да почнат со напори да ѝ го спасат животот. Седум новинари кои присуствуваа на неуспешното погубување на 30 септември ги опишаа сè повознемирувачките сцени во просторијата за погубување во државниот затвор во Нешвил, пренесува „USA Today“.

Постапката започна со нејзините последни зборови, а заврши откако затворските власти ги спуштија завесите во просторијата за сведоци и им наредија на новинарите да си заминат – иако сè уште можеа да слушнат како Пајк ‘рчи на масата за погубување внатре во просторијата.

Christa Gail Pike es la mujer del video.

Ella es la única mujer en el corredor de la muerte en Tennessee (EE.UU.).

Fue condenada a muerte en 1996 (hace 31 años) por el brutal asesinato de Colleen Slemmer, una chica de 19 años, en 1995.
Qué hizo:

• Cuando tenía 18 años, junto a su novio y otro chico, la atrajeron a un bosque por celos.
• La torturaron durante media hora: la golpearon, le tallaron un pentagrama en el pecho y la cabeza, y le aplastaron el cráneo con un trozo de asfalto.
• Pike guardó un pedazo del cráneo de la víctima como “recuerdo”.
Fue sentenciada a muerte a los 20 años. Ahora tiene alrededor de 49-50 años y su ejecución está programada para el 30 de septiembre de 2026. Es probable que se lleve a cabo después de décadas de apelaciones.

— Tendencias y Tuits Borrados (@tendenciaytuits) June 19, 2026

Второ неуспешно погубување за четири месеци
Пајк преживеа две дози пентобарбитал; втората беше наменета како резервна опција во случај првата да не биде смртоносна. Официјалниот државен протокол не предвидува постапка за ситуации кога и двете дози не успеваат – сценарио кое, според експертите и анализата на „USA Today“ за минатите погубувања, никогаш претходно не се случило во историјата на примената на смртоносна инјекција во САД.

Ова е второ неуспешно погубување во Тенеси во рок од само четири месеци, што повторно ги отвора прашањата за способноста на државата да ја спроведе смртната казна, како и за уставноста на овој метод на национално ниво.

Додека се чекаат одговори за тоа што точно се случило и што следува понатаму, „USA Today“ објави детален хронолошки преглед на настаните, минута по минута.

19:26 часот: Подигнување на завесите и последни зборови
Новинарите кои го следеа погубувањето известија дека во 19:26 часот, затворските службеници ги подигнале завесите на просторијата за погубување во затворот со високо обезбедување „Ривербенд“ во Нешвил. Пајк лежела врзана за носилката со инфузија поставена во десната рака, а покрај неа стоел нејзиниот духовен советник, извести Вил Пукет од телевизијата WVLT.

Управникот Кенет Нелсен ја прашал осуденичката дали има некакви последни зборови пред давањето на смртоносната инјекција.

„Го напуштам овој свет онака како што го поминав поголемиот дел од мојот живот – со љубов“, рекла Пајк, според Дејмон Лоренс, новинар на весникот Roane County News. „Таа рече дека ги сака луѓето што се лути на неа исто толку колку и оние што се на нејзина страна. Таа изјави: ‘Чувствувам мир и подготвена сум да заминам’.“

Новинарката на „Асошиејтед прес“, Ким Чендлер, извести дека Пајк исто така рекла оти е „подготвена да биде слободна“ и дека „ова е среќен ден“.

19:34 часот: „Раката ќе ми експлодира“
Сведоците не го забележаа точниот момент кога првата доза пентобарбитал почна да навлегува во телото на осуденичката, бидејќи тоа не беше видливо за нив. Сепак, набрзо стана јасно дека нејзиното тело реагира на администрираната супстанца.

„Чувствувам како раката да ќе ми експлодира“, рече Пајк во 19:34 часот, според новинарката на WKRN, Тори Геснер. „Видов како солза се тркала по нејзиниот десен образ, а потоа таа рече: ‘Едно место ми пулсира од болка’“, изјави Пукет.

Три минути подоцна, Пукет забележа дека Пајк „зеде четири длабоки вдишувања – толку силно што можеше да се види како телото ѝ се крева од носилката“.

Во 19:39 часот, додаде новинарот, Пајк ја крена главата и погледна кон иглата од инфузијата во нејзината рака.

„Во поголемиот дел од времето, таа толку енергично ги движеше нозете што во еден момент го отфрли чаршафот со кој беше покриена“, рече тој, напоменувајќи дека затворскиот чувар морал повторно да ја намести покривката. „Вилицата ѝ се движеше во 19:43 часот. Една минута подоцна, во 19:44 часот, таа длабоко вдиша и кажа нешто што не можев да го разберам. Во 19:45 часот, таа силно се проѕевна.“

Геснер се присети: „Сите се погледнавме во неверување кога сфативме: ‘Чекај, таа сè уште е жива’.“

19:46 Завесите се повлечени за првпат
Бидејќи Пајк сè уште била жива во 19:46 часот и „гласно и видливо ‘рчела“, службениците ги повлекле завесите меѓу просторијата за извршување на смртната казна и просторијата за сведоци, забележале новинарите.

Тие останале повлечени околу три минути, веројатно за да му се овозможи на медицинскиот персонал да аплицира втора доза пентобарбитал, известил дописникот на АП, Чендлер. Кога завесите повторно биле кренати во 19:49 часот, ситуацијата останала непроменета: „Во тој момент, таа ‘рчеше многу гласно со отворена уста“, рекол Геснер.

Пакет забележал дека нејзините усни трепереле и констатирал дека во 19:51 часот звучело „како да се гуши“. „Во 19:54 часот, таа испушти гласен стенкачки звук, ја крена главата, ја отвори устата и повторно почна да ‘рчи“, рекол тој. „Кратко пред 19:56 часот, нејзиното тело повторно се крена од масата – и главата и нозете – формирајќи речиси форма на буквата V.“

Тој додал дека Пајк испуштила длабока воздишка во 20:01 часот, а четири минути подоцна, во 20:05 часот, „телото ѝ се грчело додека се борела за воздух“. Во тој момент, завесите нагло биле повлечени по вторпат.

20:05 Завесите остануваат повлечени, сведоците отстранети
Затворските службеници ги повлекле завесите во 20:05 часот и повеќе не ги кренале. Завесите останале затворени речиси педесет минути додека сведоците седеле во збунета тишина, слушајќи ги звуците од дишењето и ‘рчењето на Пајк. „Не можевме да видиме што се случува внатре“, известил Џон Норт, истражувачки новинар од WBIR-TV. „Слушавме движење и звуци, но не знаевме што се случува. Не сме сигурни дали таквата процедура воопшто е соодветна и сакаме одговори на тоа прашање.“

Во 20:53 часот, микрофонот во просторијата за извршување на смртната казна беше исклучен, а управникот Нелсон им се обрати на присутните: „Ги замолувам сведоците да ја напуштат просторијата“.

Додека новинарите пред затворот им раскажуваа на своите колеги што виделе, во објектот пристигнаа возила на брза помош со вклучени ротациони светла. Едно од нив ја пренесе Пајк во болница за итна медицинска помош, соопшти Врховниот суд на Тенеси, повикувајќи се на податоци од државните власти.

Адвокати: Таа е во критична состојба
Државните власти на Тенеси не објавија никакви официјални информации за нејзината здравствена состојба дури и повеќе од 24 часа откако беше испразнета просторијата за сведоци. Весникот USA Today испрати итни барања за информации до канцеларијата на гувернерот Бил Ли и до Одделот за поправни установи во ноќта кога беше закажано извршувањето на казната, како и во четвртокот, 1 октомври, но не доби одговор пред објавувањето на веста.

Адвокатите на осудената жена во четвртокот попладне потврдија дека Пајк е жива и во критична состојба, како и дека е подложена на „интензивна нега за спасување на животот“.

„Криста претрпе поголеми страдања од кое било друго лице во историјата на американската смртна казна“, изјави Ренди Спајви, еден од нејзините адвокати, на прес-конференција, повикувајќи го гувернерот Ли веднаш да ја преиначи нејзината смртна казна.

„Неспособноста на Одделот за поправни установи на Тенеси го достигна дното“, изјави Абрахам Боновиц, коосновач на организацијата „Death Penalty Action“. „За ова нема други зборови освен – срам. Како спијат овие луѓе ноќе?“

„Никогаш не сме виделе вакво нешто“
Новинарите што го следеа целиот тек на постапката, веднаш по излегувањето, нагласија колку ситуацијата отстапувала од вообичаената практика. „Ништо од ова не беше нормално“, изјави Кетрин Свини од WPLN-TV. „Ги следев сите погубувања минатата година и повеќето од оние годинава. Никогаш не сме виделе вакво нешто.“

Пукет додаде дека „уште од самиот почеток, сè изгледаше целосно хаотично“, додека Геснер заклучи: „Ништо не се одвиваше нормално денес.“ Гувернерот Ли разговараше со новинарите во четвртокот наутро, откако одржа говор на отворањето на еден образовен центар и ја пресече свечената лента, проследен со аплауз од присутните.

Тој изјави дека не е запознаен со моменталната здравствена состојба на затвореникот, но изрази „длабоко разочарување“ и неуспешното погубување го опиша како трагедија.

„Никој не сакаше да се случи она што се случи синоќа“, рече гувернерот. „Тоа не требаше да се случи.“