Најмалку седум лица се повредени денеска кога се урна голем бор во паркот на бањскиот центар во тосканскиот град Монтекатини во близина на Пистоја во Италија.

Меѓу повредените има и полицајци и директорот на спа центарот, кој со хеликоптер е пренесен во болница во Фиренца.

Според првичните информации, ничиј живот не е во опасност, соопшти „АНСА“.

Борот утрово се урна додека полицијата и персоналот од термалните бањи Монтекатини го истражуваа вандализмот што се случи во текот на ноќта во бањскиот центар.