Се верува дека Русија го попречувала сателитскиот сигнал на авионот со британскиот министер за одбрана Грант Шапс на пат од Полска кон Велика Британија, изјавија денеска владин извор и новинари кои патуваат со министерот. Според владин извор и новинари, ГПС сигналот бил блокиран околу 30 минути додека авионот летал во близина на руската балтичка енклава Калининград.

Мобилните телефони не можеа да се поврзат на интернет и авионот мораше да користи алтернативни методи за да ја одреди локацијата, велат тие. Руското Министерство за одбрана не одговори на барањето за коментар. Портпаролот на премиерот Риши Сунак потврди дека инцидентот се случил вчера, но додаде дека тоа не е „невообичаено“.

„Вчера на пат од Полска, авионот што го превезуваше министерот за одбрана и неговата делегација имаше привремено блокирање на ГПС во близина на Калининград“, рече портпаролот.

„Немаше никаква закана за безбедноста на авионот и не е невообичаено леталото да доживее заглавување на ГПС во близина на Калининград, што е, се разбира, руска територија“, додаде тој.