Болниците во Газа ризикуваат да се претворат во мртовечници бидејќи ќе ја загубат електричната енергија, предупреди Меѓународниот комитет на Црвениот крст (МКЦК).

Единствената електрана во Појасот Газа престана да работи вчера поради недостиг на гориво. Ова значи дека Газа – вклучувајќи ги и болниците – се потпира на генератори, на кои пак им треба свежо снабдување со гориво.

Најголем дел од снабдувањето со електрична енергија во Газа доаѓа од Израел, кој ја прекина струјата во областа по нападот на Хамас.

„Човечкото страдање предизвикано од оваа ескалација е ужасно и барам од страните да го намалат страдањето на цивилите“, рече регионалниот директор на МКЦК за Блискиот Исток, Фабрицио Карбони, пренесе Би-Би-Си.