Американското Министерство за правда бара овластување од Конгресот да ги пренесе замрзнатите руски средства од Америка во Украина, јавуваат медиумите.

Вредноста на имотот на руски поединци и компании, кои Вашингтон ги замрзна во САД од почетокот на руската специјална воена операција во Украина, надминува една милијарда долари, пренесува CBS.

„Бараме овластување од Конгресот да ни дозволи да ги користиме приходите за доброто на украинскиот народ“, изјави за овој медиум заменик-јавниот обвинител на САД, Лиза Монако.

Претходно, советниците за национална безбедност во Велика Британија, Германија, Италија, САД и Франција предупредија дека суверените руски средства во нивните јурисдикции ќе останат замрзнати се додека Русија „не и плати на Украина за отштета“.