Аргентинскиот херој Лаутаро Мартинез изјави дека имал претчувство дека ќе влезе на теренот и ќе го постигне победничкиот гол. Тој исто така го „удри“ по Англичаните, велејќи дека „останале без сила по 60 минути“.
Репрезентацијата на Аргентина се палира во финалето на Светското првенство по драматичната победа над Англија (2:1), а стрелецот на победничкиот гол за голем пресврт, Лаутаро Мартинез, ги сподели своите први впечатоци и откри како имал претчувство за својот момент на слава.
28-годишниот напаѓач, кој влезе од клупата во 80-та минута, а 12 минути подцна го постигна решавачкиот гол, вели дека пред да влезе во натпреварот бил целосно сигурен во овој исход.
„Сонував за овој гол, се колнам. Пред да стапнам на теренот, му кажав на Алексис Мекалистер дека ќе постигнам гол.
Му реков: „Ќе влезам како замена и ќе го решам натпреварот“.
„Токму тоа се случи. Енцо Фернандез исто така постигна одличен гол, а сега кога страстите се смирија, можам само да кажам дека овој тим повторно покажува од што е направен“, изјави возбудениот Лаутаро Мартинез за официјалната веб-страница на ФИФА.
— OvoOno (@OvoOnoX) July 15, 2026
Потоа Аргентинецот се осврна на самиот натпревар и тактичките грешки на противникот, истакнувајќи дека клучниот момент бил физичкиот пад на селекцијата на Англија.
„Англичаните беа уморни. Нè притискаа во првите 60 минути, но потоа едноставно им снема енергија. Нивната игра практично започна и заврши кога постигнаа гол. После тоа решија да се повлечат, а тоа ни даде многу повеќе мир и простор да го организираме напади и да ја движиме топката.“
Почнавме да играме многу пошироко, ја растегнавме нивната одбрана и на крајот постигнавме два гола за пресврт. По три и пол години, Аргентина се врати таму каде што припаѓа – во финалето на Светското првенство“, заклучи напаѓачот на „Гаучосите“.
Финалето на Светското првенство, во кое ќе се натпреваруваат Шпанија и Аргентина, е закажано за недела, 19 јули во 21:00 часот.
Foto/ EPA
