Капитенот на Баерн Минхен, Џошуа Кимих би можел да ја напушти „Алијанц Арената“.

Одамна е познато дека Кимих за прв пат во кариерата не ја исклучува можноста да го напушти Баерн, особено поради лошиот однос со последниот тренер Томас Тухел, но и поради бројните превирања во клубот, во кој заминаа Оливер Кан и Хасан Салихамиџиќ.

Кимих сега одлучи да ја донесе конечната одлука кога Баерн ќе назначи нов тренер. Откако Чаби Алонсо реши да остане уште една сезона во Леверкузен, Баерн сега е насочен кон Роберто Де Зерби, но не ја исклучува можноста да го врати Џулијан Нагелсман.

Интересно е тоа што Кимих беше еден од лидерите на кланот кој беше против неговото заминување пред точно една година, па се верува дека би останал доколку Нагелсман повторно седне на клупата.

Спортскиот директор Макс Еберл не крие дека Кимих му кажал на клубот дека неговиот престој зависи од новиот тренер.

„Кимих јасно ни кажа дека сака да чека нов тренер и дека после тоа ќе донесе одлука дали ќе остане или не. Тој го има последниот збор“, изјави Еберл.

Кимих веќе состави список на тимови каде би отишол доколку реши да го напушти Баерн, а тоа се – Реал Мадрид, Барселона, Манчестер Сити, Арсенал или Ливерпул.