Гигантите Барселона и Манчестер јунајтед се најдоа на листата клубови кои Европската фудбалска асоцијација (УЕФА) ги казни поради кршење на финансискиот ферплеј.

Шпанскиот првак Барселона е казнета со 500 илјади евра поради „погрешно пријавување добивка од продажба на нематеријален имот“.

Манчестер јунајтед, пак, поради „помал дефицит на рентабилноста“ ќе треба да плати казна во износ од 300 илјади евра.

Парични казни им се изречени и на кипарски АПОЕЛ, турските екипи Конијаспор, Башакшехир и Трабзонспор, како и белгиските Антверпен и Андерлехт.