Новак Ѓоковиќ ја предаде титулата на Австралија опен. Првиот носител доживеа елиминација во полуфиналето од Јаник Синер. Италијанецот славеше по три часа и 20 минути игра со 6:1, 6:2, 6:7, 6:3.

Денес во Мелбурн заврши една од најголемите традиции на грен слем тутрнирите. Ѓоковиќ по 10 успешни походи, загуби полуфинален меч. Традицијата ја прекина брилијантниот Јаник Синер.

Ѓоковиќ едноставно потклекна пред подбриот тенисер. Нестварно звучи податокот дека најтобриот ретерн во историјата на тенисот немаше ниту една брејк шанса. Нестварно звучи податокот дека Синер освои речиси 88 отсто од поените по првиот сервис.

Исто така Италијанецот успеа да му го нанесе првиот пораз на Ѓоковиќ на Австралија опен по цели шест години.

Противник на Синер, во неговото прво грен слем финале во кариерата, ќе биде Данил Медведев или Александер Зверев.