Одлуката на Флорентино Перез и неговите блиски соработници, Реал Мадрид да издвои троцифрена милионска сума за потписот на 19-годишниот Јан Диоманде предизвика вистински фудбалски земјотрес.
Младиот репрезентативец на Брегот на Слоновата Коска го воодушеви светот со брилијантните настапи на неодамна завршеното Светско првенство и одличната сезона во Лајпциг, но сумата што надминува 100 милиони евра ја подели и јавноста, како и клупските легенди.
По сезона без трофеј, навивачите и стручњаците се во право кога се прашуваат дали играч со толку скромно искуство на најголемата сцена навистина вреди толку пари.
Еден од најгласните критичари е поранешниот играч од средниот ред и жива легенда на „кралскиот клуб“, Тони Крос.
„За мене, овој потег е чиста грешка! Не плативме 100 милиони за Винисиус, не ги дадовме тие пари за Мбапе, па дури ни Кристијано Роналдо не пристигна за таа сума. Сега се обложуваме на 19-годишно момче кое има само една врвна сезона зад себе. Така Реал Мадрид историски не ги градеше своите успеси.“
Крос истакнува дека не го оспорува огромниот потенцијал на 19-годишникот, туку моментот и ненормално високата цена што му става огромна цел на грб:
„Кога плаќате толку пари, вие не купувате потенцијал – купувате гаранција. Тоа е огромен товар на грбот на тинејџер. Што ако му требаат две или три сезони да се адаптира? Притисокот во Реал не може да се спореди со ниту еден друг клуб во светот.“
Легендарниот бразилски напаѓач Роналдо Назарио беше уште построг во својата проценка. Познатиот „Ил Феномено“ нагласува дека одбивањето на првата понуда од Лајпциг беше идеална можност Реал да се повлече од оваа приказна.
„Искрено, Диоманде не вреди 100 милиони што ги одби Лајпциг. Ако се прашувам себеси, веднаш би го прецртал од листата на желби и би се свртел кон Михаел Олисе! Ако платите 150 милиони евра за Олисе, никој нема да каже ни збор бидејќи точно знаете што добивате. Диоманде е добар играч, но тој не е профил за Реал. Тој не може да го донесе она што се бара во Мадрид, а клубот само губи време на некој што нема да им го донесе квалитетот што го сакаат.“
Додека навивачите беснеат на социјалните мрежи и се прашуваат зошто се пропуштени шанси за докажани имиња како Бредли Баркола или Михаел Олисе, на самиот Диоманде не му пречи премногу навредувањето.
Foto/ Depositphotos
