Манчестер Сити е во напредни преговори со Лил во врска со трансферот на Ајуб Буади, еден од најголемите млади таленти на европскиот фудбал, за кого францускиот клуб бара дури 100 милиони евра.
Англискиот гигант сака да го комплетира трансферот во текот на оваа недела, откако беше договорено заминувањето на Родри во Барселона за околу 76 милиони евра.
Буади има само 18 години, но веќе е стандарден член на првиот тим на Лил и член на мароканската репрезентација.
Тој особено импресионираше на Светското првенство оваа година, каде што ги започна сите пет натпревари на Мароко на патот до четвртфиналето.
Се претстави на големата сцена уште во 2024 година, кога се истакна во победата на Лил над Реал Мадрид во Лигата на шампионите.
Неговиот профил треба добро да се вклопи и со Елиот Андерсон, кој пристигна во Манчестер ова лето.
Иако штотуку стана полнолетен, Буади веќе одигра 88 натпревари за Лил.
Тој го имаше своето деби во првиот тим во октомври 2023 година, само три дена по неговиот 16-ти роденден, и му помогна на клубот да заврши на третото место во Лига 1 минатата сезона.
Останува да се види дали доаѓањето на Буади ќе значи и крај на интересот на Сити за Енцо Фернандез.
Според последните информации, тренерот Енцо Мареска сè уште го сака аргентинскиот играч од средниот ред од Челзи.
Foto/ EPA
