Ибрахима Конате е многу блиску до продолжување на договорот со Ливерпул.

Соработката на цврстиот дефанзивец со „црвените“ истекува на крајот од оваа сезона, а Реал се обиде да ја искористи таа ситуација и да го доведе бесплатно во летниот преоден рок.

Сепак, атмосферата не се промени за Французинот и според него, двете страни се блиску до договор.

„Многу се зборуваше, но долго време преговаравме со клубот и сме блиску до договор. Мислам дека сите сакаа тоа да биде што е можно поскоро, но ние сме на вистинскиот пат. Секако постои голема шанса да бидам тука следната сезона. Ова е она што отсекогаш го сакав“, рече Конате.

Конате одигра 113 натпревари во Премиер лигата откако се приклучи на Ливерпул, со кого ја освои титулата минатата сезона, како и ФА Купот и Лига Купот во 2022 година.

Foto/ Depositphotos