Американскиот претседател Доналд Трамп ја номинираше Кристи Мекормик од Калифорнија за нова амбасадорка на Соединетите Американски Држави во Северна Македонија.

Мекормик е меѓу 22-та кандидати номинирани за различни дипломатски и државни функции, вклучувајќи амбасадорски позиции во Пакистан, Обединетите Арапски Емирати, Бурунди, Сенегал и Мали.

Номинацијата на Мекормик треба да биде разгледана и потврдена од американскиот Сенат. Доколку биде потврдена, таа ќе може да биде именувана за амбасадорка на САД во Северна Македонија, а официјално ќе ја преземе должноста по предавањето на акредитивните писма.