Координаторот на пратеничката група на Алијанса за Албанците, Аднан Незири, изјави дека денес ќе бидат разрешени министрите од редовите на нивната партија Фатмир Меџити за здравство, и министерот за информатичко општетство и администрација, Азир Алиу.

Незири рече дека врз основа на идеолошките и програмски определби на Алијансата, како автономна партија со западна оријентација и дел од евроатлантските министри, однесувањето на нивните двајца министри било спротивно на овие вредности и етничкиот кодекс, па Управниот совет одлучил да бидат разрешени од должностите.

„Оваа работа денес ќе биде завршена“, рече Незири додавајќи дека имаат мнозинство.

Незири кој е од страната на Зијадин Села по несогласувањата со претседателот на Алијансата, Арбен Таравари, рече дека Управниот совет за министри ги предлага Илир Демири и Наим Бајрами.

Во врска со собирот на Таравари со дел од членовите на партиското Собрание, Незири кажа дека собирот бил нелегитимен и присуствувале помалку од 40 членови.

Како што додаде партијата не е поделена, туку претседателот е поделен од партијата, а партиските органи не биле почитувани. Тој му порача на Таравари дека партијата не функционира со статуси на „Фејсбук“.