Во пресрет на Бадникови поворки 2024 коишто на Бадник (сабота) 6.01.2024 во околу 75 градови и села во Македонија и 5 во дијаспората, ќе ги обединуваат коледарчињата во поворка за гласно да ја вознесат веста за Христовото Раѓање, млади бадникари – музичари влегоа во Дајмонд Мол за
да му ја покажат на народот убавината и велелепието на нашата традиција, но и да ги поттикнат и охрабрат и другите млади луѓе, и музичари и обични граѓани вљубеници во традицијата, дека и тие можат на и спроти Бадник да ги пеат божиќните каланди и да учествуваат во најавата на големиот празник.

А сега уште еднаш покана до сите:
ПРИДРУЖЕТЕ НИ СЕ ВО БАДНИКОВИТЕ ПОВОРКИ и лично почувствувајте ја радоста.

Збирно место за Скопје: Божиќната пештера на Плоштад ,,Македонија” точно во 11 часот. Штом ги поделиме (бесплатно) златните божиќни ѕвезди и се загрееме со малиот божиќен концерт на Златно Славејче и македонските ѕвезди Вера Милошевска, Антониа Гиговска, Ламбе Алабаковски, Димитар Андоновски, Стефан (Некст Тајм), Пере (Нокаут), ја оформуваме најголемата поворка и тргнуваме од Камениот мост кон Соборниот храм.

Никакво пријавување не е потребно!
Дојдете на лице место, да ја почувствувате и пренесете Радоста!

Христос се Роди!