Пенов му посака успешна работа на Перински, разговараа за досегашната работа на министерството и реализацијата на тековните проекти

Perinski-Penov-24-06-2024.jpg
Facebook
Twitter
LinkedIn
Telegram
WhatsApp
OK







Во Министерството за локална самоуправа денеска е направено формално примопредавање на должноста министер за локална самоуправа. По изборот во Собранието, новиот министер за локална самоуправа Златко Перински во кабинетот беше пречекан од досегашниот министер, Ристо Пенов.

На средбата се разговараше за реализацијата на тековните проекти на Министерството за локална самоуправа, за имплементацијата на политиките за локален и регионален развој, за спроведувањето на ИПА Програмите за прекугранична соработка, како и за финансиската поддршка на општините и на планските региони што се реализира од буџетските програми на Министерството за локална самоуправа и на Бирото за регионален развој.

На средбата беше истакнато дека управувањето со ова министерство има предизвици затоа што локалниот развој директно влијае на квалитетот на услугите и на животот на граѓаните.

Пенов на Перински му посака успешна работа во интерес на сите граѓани. Беше истакнато дека е најважна финансиската поддршка на проектите, но и подобрувањето на функционалноста на локалната самоуправа преку постојано подобрување на услугите, отчетноста и транспарентноста.

Исто така, беше истакната соработката на Министерството со меѓународните организации и агенции во земјата, кои што во континуитет го поддржуваат процесот на децентрализација, како и развојот на општините и на планските региони.

Facebook
Twitter
LinkedIn
Telegram
WhatsApp
OK