Пазарниот инспекторат издаде две решенија за затворање на маркети, информира директорот на Државниот пазарен инспекторат (ДПИ) Горан Трајковски.

„Изразувам благодарност до големиот број на општествено одговорни компании кои прифатија да ги задржат гарантираните цени на основните прехранбени производи. Апелирам истото да го направат и трговците на големо (снабдувачите)“, вели Трајковски.

Порача дека никој не смее да ги прекршува законите и да манипулира со потрошувачите и најави дека ќе следат засилени контроли кај трговците на мало и трговците на големо.