Градоначалникот на Битола, Тони Коњановски, гостуваше на емисијата „Заспиј ако можеш“ со Драган Милосавлевиќ на ТВ Алфа, зборуваше за актуелното раководење со градот на конзулите, можностите и предизвиците кои ги адресира општината.

Меѓудругите теми, Коњановски ги адресираше и актуелните вести за задолженоста на јавните претпријатија на Битола кои циркулираат во јавноста, кои ги оцени како незасновани.

„Општина Битола во ниту еден момент не била заглавена и не должи. Секогаш нејзината буџетска сметка била полна. Стартувавме годинава со буџет кој го планираме за оваа година со енормни над 2 милијарди денари, од кој оперативниот дел е над 1 милијарди денари. Дури 41 процент ќе бидат наменети за капитални инвестиции.“ истакна Коњановски. „Ова е без проектите од влада“ – дополни градоначалникот.

„Битола е секогаш во водечките општини во собирање на средства и даноци и се друго што е во нејзин домет. Со тимот на луѓе што го имаме гледаме максимумот да го испочитуваме и да не навлегуваме со политики во работењето со човечкиот потенцијал, кој и така е оскуден во сите општини, и кај делот на јавната администрација и оперативата кај јавните претпријатија“, потенцираше градоначалникот на Општина Битола, отфрлајќи ги невистините кон неодговорното финансиско работење на јавните претпријатија на Битола и самата општина.