Француската полиција објави необично видео од срна која се однесува како да е под дејство на алкохол, откако, според објаснувања на стручњаци, изела ферментирано овошје и растенија во природата.
Снимката, споделена од жандармите од департманот Саон-ет-Лоара, брзо станала вирална и била прегледана повеќе од 300.000 пати. На видеото се гледа животното кое се тетерави, трча во круг и повеќепати паѓа, додека неговото однесување личи на алкохолизирана состојба.
Police in France are warning drivers in rural areas to be on the lookout for “drunk” deer exhibiting erratic behavior caused by the consumption of fermented fruits — or as police called it, a “forest aperitif.” https://t.co/uGT1Vy45cD pic.twitter.com/JVf2HS8QRR
— ABC News (@ABC) May 13, 2026
Стручњаците објаснуваат дека во пролет некои диви животни јадат презреано или ферментирано овошје, при што се создава етанол — ист вид алкохол како кај алкохолните пијалаци. Ова може да предизвика дезориентација и губење на координација.
Слични случаи се забележани и кај други животни како птици, мечки, лосови и слонови во потоплите периоди од годината.
