Новиот тренд кој можеби дури и подобар од оној воспоставениот, од 1 јануари.

За многумина, есента повеќе наликува на нов почеток отколку јануари; ова чувство се совпаѓа со еден вирален концепт на социјалните мрежи познат како „Теорија на октомври“, кој го претставува десеттиот месец како еден вид „втора Нова година“.

Што претставува „Теоријата на октомври“?
Биси Гбадамоси, сертифициран терапевт и основач на „Mindful Blooms Counseling“, објаснува дека „Теоријата на октомври“ е идеја според која октомври може да биде одлично време за зголемување на мотивацијата за постигнување цели – но без притисокот што го носи 1-ви јануари.

Многумина го сметаат октомври за идеален момент за реорганизација и повторно фокусирање, со оглед на тоа што до крајот на годината остануваат само три месеци. Иако не станува збор за нов почеток на самиот почеток на календарската година, тој претставува завршно поглавје што овозможува фокусирање и завршување на преостанатите обврски.

Есента е исто така природно време за „ресетирање“ и враќање во рутина по долгото, социјално активно лето. Децата се враќаат на училиште, возрасните се враќаат од одмори, а до октомври сите изгледаат постабилно и поприлагодено на своите секојдневни обврски.

„Можеби се чувствуваме помотивирани во овој период бидејќи уште од детството сме научени да ја поврзуваме есента со враќањето на училиште – време поврзано со цели, учење и напредок“, вели терапевтот Аманда Карнезис. „Нови почетоци, промени во однесувањето и свеж начин на размислување се работи со кои се среќаваме во овој период од годината.“

Гбадамоси додава дека есента често делува како природно ресетирање.

„Таа може да послужи како последен бран на мотивација непосредно пред почетокот на празничната сезона“, забележува таа. „Нè потсетува дека крајот на годината брзо се приближува и нè охрабрува да работиме на преостанатите цели или проекти што сме ги планирале за таа година.“

Како да ја искористите енергијата на октомври
Исто како што на 1-ви јануари гледаме како на нов почеток, така можеме да го примениме истиот начин на размислување и на октомври – и на есента во целина. Овој месец носи инспиративна, креативна и стабилна енергија, потсетувајќи нè на важноста на рутината и на нашата способност да ја оставиме минатоста зад себе. „Можеме да го искористиме октомври за да процениме што оди добро, а што би сакале да промениме“, вели Гбадамоси. „Бидејќи годината е веќе во полн ек, можеме појасно да видиме што е реално и одржливо, и да ја насочиме нашата енергија во таа насока.“

Покрај тоа, Карнезеки препорачува октомври да се искористи за ментално „ресетирање“. Таа советува воведување нови рутини, поставување нови цели или намери, како и размислување за навиките – кои од нив биле корисни, а кои веќе не ни служат.

„Кога ќе дојде 1 јануари, постои огромен притисок да се почне одново или да се донесат новогодишни одлуки. Тоа се добри намери, но правењето толку многу промени одеднаш може да биде преоптоварувачко и да доведе до неуспех во остварувањето на целите“, вели Карнезеки. Октомври носи нова енергија; луѓето веќе се прилагодиле на своите есенски рутини и ги утврдиле очекувањата за остатокот од годината. Ако свесно и намерно го искористиме овој период, можеме да го намалиме притисокот што доаѓа со почетокот на новата година.